Bridgefélag Siglufjarðar býður til veislu 3. til 5. september 2021 en þá heldur félagið glæsilegt bridgemót á Siglufirði. Siglufjörður er staðsettur á norðanverðum Tröllaskaga, umlukinn fjallgörðum og er umhverfið stórfenglegt.

Þetta er í fjórða skipti sem mótið er haldið. Stórglæsileg verðlaun eru í boði, bæði í tvímenningnum og sveitakeppninni. Að auki verður fjöldi aukaverðlauna í boði þar sem dregið verður úr nöfnum keppenda. Þess ber þó að geta að keppendur verða að vera viðstaddir verðlaunaafhendinguna til að hljóta verðlaunin og mega ekki hafa lent í verðlaunasæti.

Mótið í ár er haldið í minningu Gunnars Birgissonar sem lést fyrr á þessu ári.

Spilað verður í íþróttahúsinu á Siglufirði. Innifalið í mótsgjaldi er kaffi á meðan spilað er.